Turismo Salvaterra de Miño

Paseo fluvial

Roteiro que ten o seu inicio no Parque "A Canuda" en Salvaterra de Miño, ao pé da ponte internacional que nos une ao noso país veciño, Portugal, e vai seguindo o curso do río Tea ata chegar ao Concello de Ponteareas e si queremos seguir camiñando podemos chegar ata o Concello de Mondariz.

O percorrido ata Ponteareas, é unha camiñada curta, apenas 15 km. aproximadamente, e moi fácil de camiñar. É completamente lisa e chaira polo que é moi recomendable para realizar acompañados da familia ou daqueles amigos a quen non lles gusten moito as costas. Ademais está moi ben sinalizada polo que é fácil de seguir sen necesidade de GPS.

A senda conta ademais co atractivo das imaxes impresionantes de tres pontes maxestosas: A "Ponte dos Remedios", unha obra medieval (século XIII), sobre cimentos de orixe romana, "A Ponte das Partidas" tamén medieval e de orixe romana E o "Ponte da Fillaboa" reconstruído no século XV sobre unha antiga ponte romana que consta de catro arcos ojivales, e polo que discorría o antigo Camiño Real que conducía a Tui.

A senda pódese realizar en calquera época do ano, tanto en días asollados, pois imos case constantemente á sombra das árbores que poboan a ribeira do Tea ata a súa chegada ao parque de "A Canuda", nas proximidades da ponte internacional que nos une ao noso país veciño, Portugal.